Last Updated: 09 October 2026, 11:35 AM IST
ലാളിത്യം കൊണ്ടും ജീവകാരുണ്യ മനോഭാവം കൊണ്ടും നൊബേല്‍ നേട്ടത്തിന്റെ വേളയിലും ലോകത്തെ ഒന്നടങ്കം അത്ഭുതപ്പെടുത്തിയിരിക്കുകയാണ് ഈ കനേഡിയന്‍ സാഹിത്യപ്രതിഭ.
ആനി കാര്‍സണ്‍
ലോകസാഹിത്യത്തിലെ ഏറ്റവും ഉയർന്ന ബഹുമതിയായ നൊബേൽ സമ്മാനം പ്രഖ്യാപിക്കുന്ന നിമിഷം ഏതൊരു എഴുത്തുകാരന്റെയും ജീവിതത്തിലെ ഏറ്റവും ഉദ്വേഗം നിറഞ്ഞ നിമിഷമായിരിക്കും. എന്നാൽ 2026-ലെ സാഹിത്യ നൊബേൽ വിജയിയായ പ്രശസ്ത കനേഡിയൻ കവയിത്രിയും പ്രബന്ധകാരിയുമായ ആനി കാർസണെ സ്വീഡിഷ് അക്കാദമിയുടെ പുരസ്‌കാര വിവരം തേടിയെത്തുമ്പോൾ അവർ ഐസ്ലാൻഡിലെ റെയ്ക്യാവിക്കിലുള്ള സ്വന്തം വീടിന്റെ അടുക്കള അടിച്ചുവാരിക്കൊണ്ടിരിക്കുകയായിരുന്നു.
To advertise here, Contact Us
‘ഫോൺ അടിക്കടി ശബ്ദിക്കുമ്പോൾ ഞാൻ സാധാരണ അത് സ്വിച്ച് ഓഫ് ചെയ്യാറാണ് പതിവ്. ഭർത്താവാണ് നിർബന്ധിച്ച് എന്നെക്കൊണ്ട് തിരിച്ചുവിളിപ്പിച്ചത്. ഇതൊരു ഭ്രാന്തൻ അനുഭവമായി തോന്നുന്നു! നൊബേൽ കമ്മിറ്റിയുടെ ഫോൺ കോളിനോട് അങ്ങേയറ്റം ലളിതവും തമാശ നിറഞ്ഞതുമായ രീതിയിൽ ആനി കാർസൺ പ്രതികരിച്ചത് ഇങ്ങനെയായിരുന്നു.
നൊബേൽ സമ്മാനത്തോടൊപ്പം ലഭിക്കുന്ന കോടികളുടെ സമ്മാനത്തുകയെക്കുറിച്ച് ചോദിച്ചപ്പോൾ വളരെ അനായാസമായിരുന്നു അവരുടെ മറുപടി. സമ്മാനത്തുക മുഴുവൻ ജീവകാരുണ്യ പ്രവർത്തനങ്ങൾക്ക് നൽകാനാണ് തീരുമാനിച്ചിരിക്കുന്നതെന്ന് 76-കാരിയായ ഈ കവയിത്രി വെളിപ്പെടുത്തി. സ്വന്തമായി വീടില്ലാത്ത ഒരു സുഹൃത്തിന് വീട് വച്ചുകൊടുക്കാനും, അന്താരാഷ്ട്ര സന്നദ്ധ സംഘടനയായ ‘ഡോക്ടേഴ്‌സ് വിത്തൗട്ട് ബോർഡേഴ്‌സി’ന് ധനസഹായം നൽകാനുമാണ് ആനി കാർസണും ഭർത്താവും പദ്ധതിയിടുന്നത്.
ലാളിത്യം കൊണ്ടും ജീവകാരുണ്യ മനോഭാവം കൊണ്ടും നൊബേൽ നേട്ടത്തിന്റെ വേളയിലും ലോകത്തെ ഒന്നടങ്കം അത്ഭുതപ്പെടുത്തിയിരിക്കുകയാണ് ഈ കനേഡിയൻ സാഹിത്യപ്രതിഭ.
Content Highlights: Celebrated Canadian poet Anne Carson receives the 2026 Nobel prize in literature, planning to donate the prize money to charity and friends.
Published: 09 Oct 2026, 11:35 am IST
Get Latest Mathrubhumi Updates in English
Follow
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
