PEPA O FA’AMATALAGA MAI LE KAPENETA Aso To’ana’i, 18 Iulai 2026. TOFIA E LE KAPENETA LE OFISA SILI FOU O LE S.N.P.F.
Ua fa’amaonia e le Kapeneta le tofia aloā’ia o le afioga iā Lealali Faletoese Asaua ma Ofisa Sili Fou mo le Fa’alapotopotoga o Fa’aputugātupe mo le Lumana’i Manuia o Tagata Samoa (SNPF).
E tolu tausaga le konekarate e tusa ai ma aiaiaga a tofiga o pule silo (CEO) a le Malo.
O Lealali, o se tamāli’i ua loa lana tautua i le Vaega Mā’oti o Tupe, e le gata o totonu o Samoa, ae fa’apea fo’i i le itulagi o le Pasefika ma nisi o Fa’apotopotoga Fa’avāomālō i le lalolagi i le lalata i le 30 tausaga.
O lo’o ia uumia Fa’ailoga Tauāloa e aofia ai le Matuaofaiva o le Fa’afoeina o Pisinisi mai le Iunivesite o le Pasefika i Saute i Fiti, o le Tikerī Fa’alōia mai le Iunivesite o le Pasefika i Samoa nei
Na te uumia foi ma le Tikerī o le Fa’aPisinisi mai le Iunivesite a Victoria i Ausetalia.
O se Tausitusi Aloā’ia ma o le Sui fo’i o le Fa’alapotopotoga a Su’etusi ma Tausitusi a Samoa (SIA).
Ua sui tulaga Lealali i le afioga iā Lemalu Selesitina Meni-Reti, lea sa ia tauaveina le tofi mo le 3 tausaga talu ai.
E momoli le faafetai tele ma le faamalo i le afioga ia Lemalu mo lana tautua i le Malo o Samoa.
Latest posts by Govt Secretariat Press Release (see all)
Post Views: 257
