Ua toe ono aso ona amata aloaia lea o taaloga o malo o le taupulega lea o le a talimalo ai Sikotilani i le vaiaso fou, ma o le a auai ai au taaalo e silia ma le 3000 mai Malo e 74 o le Taupulega e aofia ai ma Samoa.
O le vaiaso lenei sa faia ai se sauniga e momoli ai upu faamalosiau a le Malo i le au masii a Samoa o le a malaga atu mo lea faamoemoe i le vaiaso fou.
I le saunoaga a le taitai o le atunuu le Susuga ia Laaulialemalietoa Leuatea Polataivao Fosi Schmidt na ia tā’ua ai, ua tatau ona lava le tapenaga a Samoa.
E le tatau ona toe iai se alofaga pe a masii se au a le atunuu i taaloga faavaomalo ona o loo ua mautu tapenaga a itutino o taaloga taitasi ma o loo lalago iai le faigamalo. “E le toe iai ni excuses, e le toe iai foi le mea lea o le tatou o ae faimai, “ia malilie ia, ua pau lava o le mea ua gata ai le mafai..”
“E le tatau ona tatou toe talanoa faapena, Aisea? O lea ua tatou vaai i National Federation e tapena ma le atoatoa..”
O le faamalosiau a le afioga i le Palemia i le au masii a Samoa, ia toto se fatu auā tupulaga fai mai o Samoa i le lumanai.
“O lea lau mea e fai oe le tama ma le teine taalo i le taimi lenei?
“O lea le fatu o le a totō mo isi tupulaga fai mai o le atunuu o lea o loo gasolo mai e tou te o e tauave le igoa o Samoa i taaloga eseese.”
“Aua nei galo o le fua e te lulu e te selesele lava oe iai..”
“Ia manuia la outou malaga, vaai se isi i lavea, ia fo’i mai ma ni ‘ai o le faamoemoe..”
Ua silia ma le 20 tausaga talu ona auai Samoa i taaloga o le taupulega talu mai le 1974.
Ma e oo mai i le taimi nei o loo tulaga 23 Samoa i le faatulagaga o atunuu e 74 e fua i pine na maua.
Talu mai le tausaga e 1974 e 6 pine auro, 12 pine siliva ma le 11 pine apamemea na mafai ona ausia e Samoa mai taaloga o le taupulega.
E lima taaloga o le a tausinio ai Samoa i lea faamoemoe, e aofia ai le Afeleti, Tuuga aau, Siisiiga Uamea Mamafa, Faipelega ma le Judo.
E toa 21 le au taaalo (athletes) a Samoa o le a masii atu mo lea faamoemoe. E 44 le aofa’i atoa o le aumalaga, e aofia ai ma faiaoga ma pulega.
O Sanele Mao ma Iuniarra Sipaia o le a fai ma ave fu’a a le au a Samoa i le tatalaina aloaia o lea faamoemoe.
Tuaopepe Asiata Jerry Wallwork. Photos: SASNOC
Saunoa le Peresetene o le Asosi o Taaloga a Samoa o Tuaopepe Asiata Jerry Wallwork:
“Team Samoa, o lena ua tou faalogo i le malelega a le afioga i le Palemia, aua nei tuumamaina ia tatou. Ia tatou sailimalo auā se ai mo Samoa..”
“Lafo maia le fa’atuatuaga.. Manuia lau tapuaiga Samoa.”
COMMONWEALTH GAMES GLASGOW TEAM SAMOA
ATHLETICS –
Alexander Melei Rose
Nuuausala Sialataua Tuilefano
Symone LatafaleMillar Tafunai
Dane Michael Miller (COACH)
Ah Chong Sam Chong (TEAM MANAGER)
SWIMMING –
Paige Schendelaar – Kemp
Nafanua Malia Hamilton
Johanne Roberto Suhren Strickland
Brandon Lloyd Schuster (COACH)
Suzzane Schuster (TEA MANAGER)
WEIGHTLIFTING –
Sefulu Seuao
Seine Stowers
Anoni Taulua Vaafuti Faumui
Iuniarra Sipaia
John Lautafi Tafi
Jack Hitila Opeloge
Sanele Mao
Emmanuel Shalom Palota Ulimasao
Falevaa Elama Tafi
Ele Opeloge (FEAMLE COACH)
Tovia Opeloge (MALE COACH)
Salimu Lui (TEAM MANAGER)
BOXING –
Danielle Domonique Holland
Dee Ioapo
Michael Seko
Marion Faustina Ah Tong
Ato Faoagali (COACH)
Taumafai Twayne Laumua (TEAM MANAGER)
David Mafaufau Tua (TEAM TRAINER)
JUDO –
Peniamina Percival
William Tai Tin (TEAM MANAGER)
MEDICAL & MANAGEMENT
Dr. Areta Samuelu – Team Doctor
Natanya Potoi – Safeguarding Officer
Elizabeth Evans – Team Physiotherapy
Raema Von Reiche – Chef De Mission
Faafetai Tapatunu Tauiliili – General Team Manager
Tuaopepe Jeremy William Wallwork – President SASNOC
Maureen Tuimalealiifano – Secretary General.
Minister Seuamuli Fasi Toma – Minister of Sport
Guest of Minister
Fiu Faaolatane Ponifasio Vasa – Associate Minister
Luatua Semiperive Epati – CEO of the Ministry of Sports & Recreation
Job Opportunities!
BSP Job Vacancy – Relationship Officer
Latest posts by Staff Writers (see all)
Post Views: 646
