ʻOku fika 74 ‘a e paasipooti Tonga ʻi he fakahokohoko fakamāmani lahi ‘i he lipooti fakamuimuitaha, mo e maaka fefonongaʻaki 124 pea ko e peseti 62.6% ʻo e ngaahi feituʻu ʻoku ngaue’aki kiai ‘a e paasipooti Tonga ‘i he’ene haa ʻi he lipootí. ʻOku faka-maaka iá mei he ngaahi feituʻu ʻe 80 ʻoku ʻikai fiemaʻu visa, feituʻu ʻe 39 ʻoku lava ke hū ki ai ʻaki ha visa ʻi he tūʻutá pe ko ha founga hū fakafaingofua, pea mo e feituʻu ʻe 5 ʻoku fiemaʻu ai ha ngofua fefonongaʻaki fakaʻilekitulōnika (eTA). ʻOku toe ʻi ai ʻa e feituʻu ʻe 74 ʻoku fiemaʻu ai ke maʻu visa kimuʻa. ʻOku tatau ʻa e tānaki ʻo e 80, 39 mo e 5 mo e maaka fefonongaʻaki 124 ʻoku hā ʻi he lipootí.
ʻOku māʻolunga ange ʻa e hū taʻevisa ki ʻIulope.
ʻI he ngaahi fonua lalahi ʻoku fakahā ʻe he lipootí, ko ʻIulope ʻoku maʻu ai ʻa e peseti māʻolunga taha ʻo e hū taʻevisa ki he kau maʻu pasipooti Tonga. ʻI he ngaahi fonua ʻe 47 ʻi ʻIulope, ʻoku ʻikai fiemaʻu visa ki he feitu’u ‘e 39, ʻa ia ko e 83.0%. ʻOku ʻi ai ha feituʻu ʻe taha ʻi he kulupu visa ʻi he tūʻutá pe founga hū fakafaingofua, pea ko e visa (eTA) ki Pilitānia. ʻOku fiemaʻu visa pe ‘a e fonua ʻe 6, pe 12.8% kotoa ‘o ‘Iulope pea ko e tu’unga ma’olunga lahi ia he ngaahi fonua ‘Iulope.
ʻI he ‘Oseania, ʻoku ʻikai fiemaʻu visa ki he feituʻu ʻe 4 ʻo e fonua ‘e 13 pea ʻoku ʻi ai ha fonua ʻe 7 ʻi he visa ʻi he tūʻutá pe ngaahi founga hū fakafaingofua. ʻOku fiemaʻu visa ki he fonua ʻe 2 pea ko e 30.8% taʻevisa, 53.8% hū fakafaingofua pea mo e 15.4% fiemaʻu visa. Pea ‘oku fika 8 ‘a Tonga he ngaahi fonua ‘e 14 ‘o e Pasifiki.
Kehekehe ʻa e ngaahi ola ʻi Kalipiane, Kōlifa mo ʻEsia Lotoloto.
‘I he ngaahi motu Kalipiane, ko e fonua ‘e 12 mei he fonua ‘e 16 ‘oku lava ‘a e paasipooti Tonga ‘o huu ta’evisa kiai pe ko e 75%. Ko e fonua ‘e taha ‘oku ngaue’aki ‘a e visa huu faingofua pea ko e taha ‘oku ngaue’aki ‘a e visa (eTA) pea ko e fonua ‘e 2 ‘oku fiema’u ke ‘iai e visa. Pea ki he ngaahi feitu’u lahi ‘o ‘Amelika, ko e fonua ‘e 13 mei he fonua ‘oku huu ta’evisa, ‘oku fiema’u visaa hu faingofua, taha ko e visa eTA pea ko e fonua leva ‘e 8 ‘oku fiema’u ke ‘iai ha visa ki he paasipooti Tonga.
Ko e ngaahi fonua kotoa he Kulifa ko e fonua ‘e 6 ‘oku fiema’u visa ko e 100% ia. Ko e ‘Esia Lotoloto ‘oku ‘iai ‘a e fonua ‘e 5 pea ko e 4 ai kuopau ke ‘iai ha visa pea ko Uzbekistan leva ko e visa fakafaingofua. Ko ‘Esia kotoa ko e fonua pe ‘e 8 ‘oku ‘ikai fiema’u visa mei he fonua 50 ko e fonua 10 ko e visa fakafaingofua, ko e taha ko e visa eTA pea ko e fonua leva ‘e 31 kuopau ke ‘ia ha visa tu’uta.
Tuʻunga 2 ʻa Tonga ʻi he ngaahi puleʻanga fakatuʻi fakakonisitūtone
‘Oku fakakau ‘a Tonga ki he ngaahi kulupu fakapolitikale fakamamani lahi kehekehe ‘i he fua hono mahu’inga fakapaasipooti. ‘Oku fika 2 ‘i he ngaahi fonua ‘oku pule’i Fakatu’i Fakakonisitutone ‘e 4, fika 25 he ngaahi fonua kotoa ‘e 56 ‘o e Kominiueli, fika 32 ‘i he ngaahi fonua kotoa ‘oku kau ki he G77 pea fika 74 ‘i he fonua kotoa ‘e 159 ‘o e Kautaha Fefakatau’aki ‘a Mamani. Pea ‘i he ngaahi fonua ‘oku hoko ‘a e lea faka-Pilitania ko e lea fakafonua, ‘oku fika 26 ‘a Tonga mei he fonua ‘e 60 ‘i he kulupu koia.
