Sekretária Estadu Formasaun Profissional Empregu – (SEFOPE) liuhosi Diresaun Nasional Empregu Estranjéiru – (DNEE) ho satisfasaun bo’ot hakarak anunsia “Programa Empregador Seasonal Rekoñesidu (RSE) ne’ebé sei hahú dau-daun ona,” hodi oferese oportunidade ba sidadaun Timor-oan sira atu servisu iha “Setor Agrikultura no Vitikultura Nova Zelandia nian.”
Portal “aplikasaun online nian” sei loke iha loron 8 – 12 fulan-setembru tinan 2025. Kandidatu hotu-hotu ne’ebé iha interese tenke lee ho kuidadu kriteriu elijibilidade no prepara dokumentu sira ne’ebé presiza ” molok atu rejista ba aplikasaun ne’e rasik.
Atu bele aplika, favór ida halo tuir pasu sira tuirmai ne’e:
1. Lee kriteriu elijibilidade hotu-hotu ho di’ak no loos; detallu sei aneksa iha pajina tuir mai.
Click iha nee hodi hare detaillu: http://dnee.sefope.gov.tl/…/RSE-Online-Application…
Click iha nee hodi hare maneira registu: http://dnee.sefope.gov.tl/…/RSE-Application-Timor-Leste…
2. Prepara dokumentu hotu ne’ebé presiza ho di’ak, molok rejista.
3. Asesu ba sítiu aplikasaun online ne’e sei liu husi link ne’e: https://timorleste.pacificlabour.org/register
4. Hare ho didi’ak formuláriu ne’e,” asegura katak tenki priense informasaun hotu-hotu no submete/upload dokumentu sira ne’ebé presiza.
5. Bainhira kompleta tiha, klike “Submete aplikasaun” atu kompleta Ita-nia aplikasaun online
Aplikasaun hotu-hotu tenke aprezenta liuhosi sistema RSE DNEE nian ne’ebé hanaran Sistema IRD.
Importante: Favor ida, asegura fila-fali atu hare kriteriu hotu ne’ebé aneksu ona no dokumentu sira ne’ebé presiza molok hahú aplikasaun.
Dili, 8 Setembru, 2025
João Correia Pereira
Diretur – Diresaun Nasional Empregu Estranjéiru
