Zebaldt Ngaruka 

Ombatasaneno ongukutu yovinamwuinyo oo tjina tjiri pomaraisiro wa Pukiro nga utire Omanadaha nu ngu ma ye yanda muhuka povyunda vyo ma randisiro vya Mauezonjanda mondjira okuyenda kOkoviburu.

Omararakaneno omanene nene yeri pozongombe inda ozo Mbaramana . Omuhaamise wOvihavero vyo EEFA, Katjindu Tjahuha, matja omburandji otjitjitwa itji tjarondo ondondo yarwe yokombanda. Ovatuta tji va yeta ozongombe ape o-250 nozonyanda ape o-400. “Ondjiviro ondanane. Okarukondua ketu ke tjiukirwa ko ku tumba ovinamwinyo vyonÿengu nu irumwe orukandjira momaraisiro wotutumbo novikunwa kozombanda,” matja. Nandarire mo ku tja nambano yarira wina owo zongetjefa noho, ngamba otutumbo novikunwa ombi ye ye honaparera nOmbarama ndji ma honapara otjombura ndjiri yo ma rarakaneno wOmbarama. 

“Mozongombe o-250, o-200 Ozombaramana. Otjeri otjirwa otjizeu pokati kovatumbe peke peke. 

Ombaramana ona makuruhungo morukondwa indwi novatuta ovengi vetumba nayo,” Omuhaamise matja. Maweza kutja Omaraisiro wa Pukiro wOtutumbo nOvikunwa Nozongetjefa oo tjirondero tjovaṱuta kozombanda komaraisiro warwe omanene tjimuna wa Pako na Tjomuise. 

“Ohapo tu sekirisa ovaraise okuza kotukondwa twarwe no mburandji tjingetjo. Otjiraisiro tjokutja otji tjitwa tjetu tjekura nu tjavarwa iyo vengi mo tjitamba tjoututa,” Tjahuha matja.