Ounona veli vavali voukadona ova xulifa eshi va pila monduda yokunangala. 

Oshiningwanima eshi osha ningwa komukunda Omupindi moshitukulwa shaHangwena Etivali efimbo longula lwopotundi 10h00. 

Omupopiliko wopolifi moshitukulwa shaHangwena Warrant Andreas Nghiyolwa okwa koleka oshiningwanima eshi. 

Ounona aveshe ove li koshi yeedula 10. 

Opolifi oya hokolola tai ti pefimbo loshiningwanima ounona ova hangika ve li meumbo muhe na ovakulunhu. 

Otaku hokololwa kutya ovakulunhu ova hangika va dja mo va ya kodoolopa. 

Opolifi oya hokolola tai ti ounona ova danena okapalwa oko kwa li ke li monduda yavo yokunangala. 

Otaku hokololwa kutya ovashiinda ova ka mona ashike eshi meumbo tamu di omwifi nonduda ya tema. 

Opolifi oya ti eshi ovashiinda ova ka fika meumbo ova hanga nale ounona va xulifa. 

Otaku hokololwa kutya ounona novakulupe ova ninga oihakanwa yokupila meenduda unene ngeenge ounona tava danene oupalwa. 

Opolifi oya kumaida ovadali opo va kwashipaleke kutya oupalwa ova holekwa shaashi osha nyika oshiponga ngeenge okapalwa ke li poluhaela meumbo muna ounona. 

Natango, ovadali ova kumaidwa opo va opo va xulife po okufiya ounona omaumbo muhe na omutonateli shaashi osha nyika oshiponga. 

[email protected]