Zebaldt Ngaruka

Ombwaneno nowuumwe oombepo Hiakungari ndja hitisire mozendekurona zOvambanderu nOvaherero mo UK ozo wina mo ma zemburukiro oyetja 130 zondiro ye mbe mu pere ondjozikiro motjihuro Owigan.

“Tjingetjo twa ungurisire oruveze indwi okuhonga ozonditona ombazy yetu. 

Ohepero okuhanasana otjitjitwa itji tjinga tuhina maa tu zembi ombazu yetu nandarire kutja turi mehi rozonganda,” Kevin Rondereeko Nguvauva watjere. 

Orata Anaco Tjijombo watezere ouyenda wOvambanderu kEhi rOvandoitji averi momdambo yekwamo ra Hijakungairi. 

Nu wina a kwambereko Ovambanderu mo UK ovitjitwa momuhoko nai nawina orupa orunhepero momuhoko rOmutize omuyaruke Gerson Katjirua, momazemburukiro wozombura o-130 za Hiakungairi kwa kutjururirwe onguyu kongungu ye mOkahandja. 

“Yari otjipatururaho otjinene nami mbe ri hongere ovingi kwiimba mbu ma vetjiwa ekuruhungi rOvambandeu. Otjitjitwa itji tje ndji patuturire omeho ohunga nekuruhungi rovaÞi novakuru vandje no hangauti yohuurire yorukapita veze,” Ngajoo Cloete Kazao wa raisire nao. Na weza ko kutja Hiakungairi wari omunane epatje ngwe riyandja kokuta iyovanavita pendje nio ku veyandjera oku kambura ehi. 

“Otjotjiri ekuruhingi eihamise nete otjOvambanderu matuso kukara nonyune muro no ku tjevera kutja ozodambo zovati novakuru vetu azehazengi,” Kazao watja. 

Ovakuramenepo verapi rOtjiyapa nOtjiserandu opuvari potjitjitwa itji tji tjijari novinenge vyarwe vyombazu tjimuna ombimbi, outjina nonÿerera, mu vyarwe ovingi.