Omukulunhu wouministeli woikwameni, omatembu neameno lovakwashiwana Nghidinua Daniel okwa holola kutya ouministeli otau ka kufa onghatu yopombada okutungulula omaumbo ovapolifi moshilongo oo eli monghalo itai nuwa omeva.
Daniel edi okwe di holola sha landula okavidio oko keli hanena omapandja opaungoba taka ulike omalukalwa ovapolifi kOmutwewondjaba. Okavidio otaka ulike nghene ovapolifi hava di nokukala momalukalwa akulupa, oo okwa mona oixuna. Okavidio okaholola ovapolifi hava nangala meetenda odo di heli vali monghalo tai nuwa omeva, apa hava di kape na omeva loo nolusheno nalo ohaveliudu ashike shaashi momalukalwa kamuna olusheno.
“Ouministeli oushishi nawa eenghalo domaumbo ovapolifi unene ava veli keengaba nowa tokola okulundulula onghalo,” Daniel ta holola ngaho. Daniel okwa yelifa kutya Omutwewondjaba owa hangika nale wa tulwa momangela wokulundulula onghalo yoitaasi yopolifi moshilongo yomudo 2027/2028. Okwa ti aishe otai ka tulwa peenhele momudo 2027/2028.
“Ovapolifi otava ka kufwa mo meetenda, ndele tava tulwa momatungo eli nawa, hatu tula po eesola dakula dokutema osho yo eembola domeva,” ta ti.
Okwa twikila kutya natango opena okavido kamwe oko kali taka nyane onghalo yomaumbo ovapolifi modoolopa yaNdobe, moshitukulwa shaHangwena.
“Onghalo yavapolifi vokOndobe nayo oya tulwa moilonga. Epangelo ola pitifa nale oshimaliwa shika kwafe mokutungila ovapolifi ava omalukalwa eli nawa,” Daniel natango ta holola.
Daniel okwa twikila kutya opolifi oya kala nokulundulula omaumbo ovapolifi moitukulwa ya yooloka yoshilongo ngaashi Namasira, Singalamwe, Kalimbeza, Elundu, Onheleiwa osho yo Palmwag.
Eenhele ngaashi Olupale, Onaimbangu, Omboloka, Epinga osho yo Omalapapa, Daniel okwa ti nado oda hovelwa nale oku longwa needalate domaluumbo oda tamekwa nale okutulwa ko.
Daniel okwa yelifa yo kutya ouministeli melongelo kumwe nombelewa yOmupilima minista ova eta po omulandu upe, unasha noku pitifa oshimaliwa shoku kwafa ovanashilonga ava hava longo komikunda, nova taalela omaudjuu onghalo efiku nefiku.
“Ngaashi ovapolifi vOkomutwewondjaba ovo vamwe va nhuninwa oimaliwa ei,” ta ti.
Onghalo yovapolifi veli momalukalwa tava mono oixuna hapo ya tameke. Oya ninga omukalo ndjiikile paife unene moitukulwa yokonooli. Ovapolifi vamwe ngeenge ihava di momaumbo oipeleki, oveli meetenda ile veli momaumbo a ningwa nomakalafana.
Vahapu vomuvo ova kala nokunyenyeta onghalo efimbo lile, kutya ohava mono oixuna kodula, outalala osho yo eenduda ta dipi unene ngaashi eebashu odo da kwatafana. Umwe womuvo a pula aha tumbulwe kedina okwa ti, okwa pandula eshi epangelo tali keva dimbuluka shaashi ova kala tava mono oixuna efimbo lile.
taimihaihambo2000@gmail.com
