Osekundefikola Nuuyoma oi na omanyakwa haa denge ondjimbo. Ofikola paife oya findana ponomola yotete koxungi yomakondjifafano eengudulwiimbo ya li koShituwa SS mexuliloshivike.

Eefikola 32 da dja koitukulwa ya yooloka okwa li da hangana mexuliloshivike komukunda Endola moshitukulwa shaHangwena.

Ovanafikola okwa li ve udite etumba, va hafa eshi va shakena navakwao koxungi.

Okwa didilikwa efimbo olo limwe ha li eta ovanafikola va hangane okukufa ombinga keexungi deengudu domalwiimbo.

Osekundofikola Ponhofi oya findana pomola onhi-2.

Mweshipandeka Senior Secondary School oya findana ponomala onhinhatu.

Eefikola da findana oda pewa omapapa nomakopi okuyandja olupandu eshi va imba nawa.

Omunafikola a dja koNuuyoma Secondary School, Tuhafeni Paulus oye kwa li omupopi wefiku a fimana.

Paulus oku li mondodo 12 nokwa li a tofwa mo okukala omupopi a fimana nelalakano lokukumaida ovanafikola vakwao.

Omunafikola ou, oku li natango omuudifi ta kwafele kongeleka Enoleu Elcin i li mOshikuku.

Okwa twa ovanafikola vakwao omukumo opo va twikile okuongala meengudulwiimbo keefikola davo shaashi otashi ulike efano liwa.

Okwa ti eengudulwiimbo otadi kwafele ovanafikola a kale e na etilo kalunga osho yo okuxwaxwameka omikalo diwa mokati kovanafikola.

Okwa kumaida ovanafikola vakwao opo ve li honge nondjungu osho yo okufimanake ovahongifikola novanafikola vakwao.

Taalita Timotheus ou e li omuhongifikola pofikola tuu opo noku li omukwateli komesho wongudu yokwiimba mofikola yavo, okwa hokolola ta ti oxungi ei oya fimana kovanafikola.

“Oxungi ei otai etele ovanafikola omauwa ngaashi okufimaneka ovahongi novanafikola vakwao u na ngeenge tava hongwa eetundimbiibeli,” ta ti.

–[email protected]