Zebaldt Ngaruka

Kombunda yo ma tjiuksirio katjisupi wouṋepo wotjirata tjosarama indji Onÿerombe (Nuwehoop), nga sekamisire omapuriro no ma kwekururiiro mokati komitanda vya Maheke, Ongooneya Pijoo Nganate wa zi ririre kotjina itji mo ngondjero yok u zemisa omiriro imbi.

Osarama indji oka ndjira motutumbo novikunwa novikurya. Kehi yondunge yOndanda ya Maheke yOmamemeno nu ipewa ivaterwa iyomberoo yOngooneya mouyenda wo ku yandja omasa kongwizikiro yo vi kurya no ku tjurura omariro Omaha tungarutu nozondanda zomihao. 

Otjungura itji tjamuna ombatero yomasa yotjimariva, mumuna omangete okuza kOmbwiko yOngoro yOurana ya Tjozondjii.

Nganate otjiveke tjitjazuko wa ya kurire oruhindo rOrutu rOmitanda rwa Maheke, Omaheke Youth Forum, eye ndwa haņasanene ndjivisiro naro no ku nyotorora tjiva zo zongendo ongodoroka nosarama indji. Morutuu kozombuze wa raisire kutja nai ovitjitwa posarama indji vi kawondjisiwa iyo mberoo ye no tjo otjiungura kehi youhonapare we tjitjiheri otjomitanda porwe.

“Otjina tjo va tjOmbwiko yosarama ya Nÿerombe, no va ṱize vayo, owatjiri wayo nondjivisiro ndja tjama koveni vayo oura wonganda,” orutuu kozombuze rwa tjere. Nganate watjere omberoo ye kaina kuyara ondjivisiro indji po rwara ngunda, no ma zikiro wotjirata ngunda oura wovaṱize. 

Komurungu, orutuu ma ru yauza kokutja Ombwiko iri kamwaha oku ungura kumwe, nu kangamwa omundu, orutuu romaunguriro ohambwarakana ndu kuza okoporativa poo orutu romitanda tji runonÿero yokuungura kumwe maruso okutjita omaningiriro mo mirari mbiri vyo. Ongoneya wina ya yauzire kokutja omitanda mbye ri yandjera nganda osarama indji aya uta otjiungura tjayo, auhe wapewa oheketara imwe yehi otjo ndjambi. 

“Tjingetjo vapewa omahupikiro yoku ritunga oku tuurungira mo Ministeri yOtutumbo nOvikunua,” orutuu rwa posere nao. Ngunda aperi nao, Omuhaamsie wOrutu rOmitanda rwa Maheke, Kenaumue Hikuama, wa ze mburukisire otjiwaṋa na itwo otutu atuhe kokutja Otjirata tja Namibia Tjomitanda oorutu rokotjiveta aruyerike mehi rousemba no ma worongansisiro wovitjitwa vyo mitanda otja koveta yondjuwo yozoveta. 

“Runa otutu motokondwa atuhe. Kangamwa ongetjefa poo orutu ndunombango yo ku pa omitanda oruvara, munao otji ma rupewa ondunge yo ku tuurungisira ombatero indji morutu romitanda rwehi notutu twaro motukondwa kutja omboronganisiro, omerizirira noupame momaunguriro,” Hikuama watjere. 

Na ṋunisa kokutja orutundu romitanda rwa Maheke rwa kakatera ko ngunÿe yo kutja “Ohunga naeţe no ku hina eṱe katjetu”. Munao otji ma vekara ama vezuvarisa ape hakara auhe ngu ma paterwa pendje, oruhaera nomekurisiro morukondwa ngu ma ye kotamene komitanda. 

Otja kondjivisiro ndjiripo, ovaṱize vOnÿerombe oo Venessa Bohitile, omukazona wa ngwa ri oministera yomahongero, Clara Bohitile, Jefta Mbuende, Josephine Hafunde, Rosalia Amupolo, Levi Kaṱire, Sean Heita-Mokoana na Brenda Tjijombo.