Abraham Mwanyekange
Olutu ta li wilike okatanga kokeemadi mo Namibia ledina Namibia Football Association (NFA) ola ngabeka Omaheke Football Association (OFA) opo li ha kufe ombinga momaudano omafiyafano oku ya kolixa yotete moshilongo.
NFA okwa ti Omaheke Football Association otaa imbwa okukufa ombinga molwaashi va dopa oku kwatela po ouyuki moilonga yavo yomaudano omoshitukulwa odula 2025/26.
Omwedi wa dja ko OFA oya holola kutya ota i ka ninga omakonaakono shina sha noidjemo yomaudano kwa li ya nwefwa mo kuvamwe.
Oidjemo okwali ya ulika eengudu domaudano da dengwa kudikwao ekoola da fika po 25 osho sha pumba mokatanga komaudano okeemadi.
NFA mokupewa oidjemo yomakonaakono ko OFA okwa kufa etokolo 22 Juli 2026. Etokolo ola yandjwa konima eshi ewiliko lopombada la NFA la talulula olopota oyo yadja kuhamushanga ta vatele mo NFA shina sha noshikumhungu shokOmaheke.
Kouyekeke okudja ku NFA, etalululo ola ulika nghee OFA a dopa okuwanifa po nokukwatela po omilandu da NFA. Ewiliko ola ulika omalipulo alo enasha noukwatya tau longifwa wa puka ko OFA.
Natango ewiliko ola mona kutya OFA okwa yandja eembapila domauyelele inadi li xwapo.
Olopota oya ulika yo kutya omapulaapulo kwa li a ningwa inaa landula eeveta nomilandu da NFA.
Olopota oya weda ko vali kutya okakomishi kokuungaunga naavo va ninga omapuko oka enda oveta pomunghulo.
Etokolo laNFA
NFA okwa kufa etokolo leli kololela kokatendo oka 20 (4) osho yo oveta 5 (1) momalandulafano aye ndele ta ngabeke oshitukulwa shaMaheke opo shiha ka kufe ombinga komafiyafano oku ya kolixa yotete yokoumbuwanhu woshilongo. Ewiliko ola ti etokolo ola fimana oku amenena po ouyuuki, efano osho yo oufike pamwe mefiyafano.
Ewiliko la NFA ola nghonopalekwa okuninga omakonakono oilonga yo OFA nolixa yalo nokuva ningila omapulapulo shina sha nolopota ya nyika oipa yombwa.
Ewiliko ola ti OFA ota dulu ashike oku ka kufa ombinga momafiyafano meedula do komesho ngeenge va tula oinima yavo nawa ponhele, omo mwa kwatelwa aishe oyo tai ningwa ya puka, oku landula omilandu kokakomishi kena sha nokuningila ovanhu omapulapulo ovo veli mepuko.
Ewiliko la NFA ola ti ole li tula mo okumona kutya oitai yalo aishe oya landula eeveta nomalandulafano alo pauyuki.
Omalandulafano a NFA okwa fimana molwaashi otaa ulike nghee olutu ta la kwatele po ouyuki, oshili nelityo lomaudano okatanga kokeemadi mo Namibia koshi yewiliko lo NFA.
Omafiyafanepo okuya kolixa yotete moshilongo yokoumbuwanhu oku liko mongula.
[email protected]
