Abraham Mwanyekange
Theresia Johannes womindo omi-24, okwa anyenwa omhito yokulifutila mo modolongo kumangestrata kOutapi onghela. Johannes okwa taalela oibofa ivali i na sha nonghendabala yedipao.
Johannes ota fekelelwa a ekelashi ounona vaye vouhamba okamati nokakadona veemwedi omuwoi.
Oshiningwanima osha ningwa komukunda Omutundungu kOmusati mOlomakaya a dja ko.
Ouyelele okudja kepeko lopolifi owa hokolola kutya Johannes ounona okwe va kupulashi nelalakano opo va fye omeva. Taku hokololwa wo kutya ounona ova xupifwa komufitangobe ou a mona nomesho aye eshi oshiningwanima tashi ningwa. Johannes eshi a holoka momhangu onghela okwa li ta kwena ye ota ulike ehe li nawa. Okwa lombwela omupanguli kutya ote likalele po ye mwene.
Oshibofa shaye osha undulilwa kuSepetemba 3, 2026.
amwanyekange@nepc.com.na
