Victoria Immanuel
Taimi Haihambo
Okangundu ko ku matuka koKaribib okeli metifa okulongekidha omathigathano goku matuka ngoka esiku tali ka tseyithwa komasiku gokomeho no taga ka patulukila kehe gumwe moshilongo.
Sha ikolelela kehangano lyoNBC omathigathano goku matuka otaga ka ningwa oshikando oshitiyali.
“Okangundu hoka oka ti oka longekidha omathigathano ngoka taga ka kala ga patulikila kehe gumwe a hala okukutha ombinga. Omathigathano ngoka oga nuninwa aapyokoki mokumatuka,” ya shanga ngaaka.
Taya ti, omathigathano ngoka otaga ka eta pamwe aamatuki okuza pomimvo ntano sigo 19 osho wo aakuluntu, omeme nootate. Momathigathano moka ota mu ka tothwa aasindani mboka taya ka pewa omagano osho wo oombandi.
“Onkene okangundu hoka otaka hiya aatondoki moshilongo ashihe opo yi ishangithe ya kuthe ombinga momathigathano ngoka omatiyali,” ya ti ngaaka.
Meehulishiwike, ehangano lyoNBC olya li lya longekidha omathigathano goku matuka , onga edhimbulikitho netyapulo sho ya gwanitha omimvo 35.
NBC okwali a topola iinano ya yooloka, ookilometa ntano, omulongo, 21 osho wo 42.
Omupresidente gwoNDP Martin Lukato gomimvo 66, ogumwe goomakuthi mbinga a mana ko oshinano sho 42.
Aina Shivute ngoka ali a kutha ombinga methigathano ndyoka okwa ti okwa kutha ombinga oshoka okuuvite kutya omadhewo ohaga xwaxwameke uundjolowele wa wo.
“Ihandi thigwa po komadhewo geli ngaaka, nando ga kale geli mondoolopa yini po ohandi yi oshoka onduuvite kutya oga simana,” ta popi ngaaka.
Ta ti, uuna taya matuka mehwata ohashi ya pe omukumo okumana ko iinano iile shi vulithe oye awike.
Va xwaxwamekwa
Ovakalimo ava va kufa ombinga ova hololela Kundana nghee etondoko lavo la li la enda nawa Olomakaya, nova hala NBC a kale ta ningi omadeu oludi eli ngeno keshe exuliloshivike shaashi paife oveu dite ashike va levwa.
Justina Heelu oo ali aka kufa ombinga okwa ti kena etondoko loludi eli ha li dulu okumupitilila po moWindhoek. Okwa ti ngaashi noku li eli ola li la denga unene mbada. “Okutya ngaho omalongekido aeshe okwali a tulwa nawa peenhele,” ta ti.
Okwa twikila kutya kapa li pe na okumana po efimbo shaashi etondoko ola hovelwa potundi apa la li la tengenekwa kutya oli na oku hovela.
“Pokati opo otwa li yo tuna omatulilo oku pitula omeva okunwa opo twa hanga nale ovanambelewa va longekida omeva osho yo oyiimati okutupa eenghono eshi ha tu tondoka,” ta ti. Anna Filipus ota ti oimaliwa yaye ei a futa metondoko omo inai hepa nande nande.
“Ame onda shinga eekilomita dile oku dja kOkatima Mulilo pamwe nakahewa kange oo adja konooli tweya oku tondoka,” ta ti.
Filipus okwa yelifa kutya eshi va mona engafifi lovanhu vahapu oshe va etela unene omukumo, ina veli vela nande eembedi molwa oinano oyo va shinga opo ve uye va kufe ombinga.
-vkaapanda@ nepc.com.na
[email protected]
