Abraham Mwanyekange
Omunambelewakulunhu mokakomisi komaudano Freddy Mwiya okwa twa omukumo ovadani vaNamibia veli 24 ovo tava ka kufa ombinga komaudano Commonwealth 2026 kutya otava ka pewa olupandu loshimaliwa shi fike pongushu yombadi yaye ngeenge ove shi endifa nawa.
Omaudano opamuhanga mounyuni nedina ‘Commonwealth’ neudo otaa ka kala ko Glasgow moScotland.
Mwiya okwa ti okakomishi komaudano oka hala oku twa omukumo Ovanamibia.
Odo okwe di popya efimbo ta lekele ovo tava ka kufa ombinga komaudano opamuhanga woilongo aishe mounyuni moWindhoek Etivali.
Mwiya okwa ti omudanauki ou taka eta ombadi yoshingoli ota ka pewa N$ 800 00 omanga omudeuli waye ta pewa N$35 000.
Ou taka eta ombadi yoshishiliveli ota ka pewa N$60 000 omanga omudeuli waye ta pewa N$ 25 000.
Ombadi yoshikushu omudanauki ota pewa N$40 000 omanga omudeuli ta pewa N$ 15 000.
Okakomishi oka lombwela ovakufimbinga opo veli tule mo opo va ete omafindano keumbo. Mwiya okwa ti oimaliwa yomafindano ota i ka futwa moule woivike ivali konima ngeenge ovadanauki ova alukile keumbo.
Okakomishi oka ti epangelo ota li ka wanifa po omaudaneko alo oku pandula ovadanauki ovo va kalela po Namibia.
Namibia ota ka kufa ombinga momaudano a fika pu ahamano. Omaudano ongaashi: okutondoka omo a kalelwa po ku Charley Matundu, Elvis Gaseb na Chenoult Coetzee omanga ko Para-Atheletics oku na Even Tjiuju na Ananias Shikongo.
Koudano wokuyowa Namibia okwa kalelwa po ku Jessica Humphrey, Jose Canjulo, Luke Beukes, Oliver Durand, Ronan Wantenaar.
Koudano wo Artistic Gymnastics oku na Sureshni Andrew, Ann-Leen Thorburn, Jonie Thorburn na Tyesa Humphries.
Kokuumba outa oku na Amanda Steenkemp, Diana Viljoen, Ronald Christow Steenkemp na Waylon Wentzel.
Koudano weengonyo oku na Mischa Araes, Philip Haoseb, Gebhard Ipinge, Petrus Kotze na Tryagain Ndevelo.
Omaudano opamuhanga woilongo okwa tameka onghela notaa ka pwa momafiku 2 Auguste 2026
[email protected]
