Last Updated: 29 October 2026, 06:45 PM IST
പതിനാറുകാരൻ ഓടിച്ച സ്കൂട്ടറിടിച്ച് കാൽനടയാത്രക്കാരൻ മരിച്ച കേസിൽ 28 ലക്ഷം രൂപ നഷ്ടപരിഹാരം അ‌നുവദിച്ച് കോടതി. മൂന്ന് വർഷം മുമ്പ് നടന്ന അ‌പകടത്തിലാണ് മൂവാറ്റുപുഴയിലെ മോട്ടർ ആക്സിഡന്റ്സ് ക്ലെയിംസ് ട്രൈബ്യൂണൽ (MACT) വിധി പുറപ്പെടുവിച്ചത്. കോടതി വിധിപ്രകാരം തുക മരിച്ചയാളുടെ കുടുംബത്തിന് ബുധനാഴ്ച കൈമാറി.
To advertise here, Contact Us
2023 ഒക്ടോബർ ഒമ്പതിന് മൂവാറ്റുപുഴ ആരക്കുഴ പണ്ടപ്പിള്ളി തോട്ടക്കര ശിവക്ഷേത്രത്തിന് സമീപമാണ് അപകടം നടന്നത്. മീങ്കുന്നം നീർക്കാനയിൽ എം.എം.ജേക്കബ് (59) റോഡരികിലൂടെ നടന്നുപോകുമ്പോൾ അമിതവേഗതയിലെത്തിയ സ്കൂട്ടർ പിന്നിൽനിന്ന് ഇടിക്കുകയായിരുന്നു. ഗുരുതരമായി പരിക്കേറ്റ ജേക്കബ് ചികിത്സയിലിരിക്കെ മരണപ്പെട്ടു.
ജേക്കബിന്റെ ഭാര്യയും രണ്ട് മക്കളും ഉൾപ്പെടുന്ന കുടുംബത്തിനാണ് നഷ്ടപരിഹാരം അ‌നുവദിച്ചത്. പലിശയും കോടതിച്ചെലവും അ‌ടക്കമാണ് 28 ലക്ഷം രൂപ (യഥാർത്ഥ തുക 21,96,000 രൂപ, പലിശ 8%) നൽകാൻ കോടതി ഉത്തരവിട്ടത്. വാഹന ഉടമയായ കൗമാരക്കാരന്റെ പിതാവിന്റെ അ‌ക്കൗണ്ടിലേക്ക് വരുന്ന ഇൻഷുറൻസ് തുക, റവന്യൂ റിക്കവറി ചാർജ് കൂടി ചേർത്ത് നൽകണമെന്നായിരുന്നു.
Content Highlights: Muvattupuzha MACT ordered Rs 28 lakh compensation for a pedestrian’s death. The accident occurred on October 9, 2023, caused by an overspeeding scooter driven by a minor. Compensation includes 8% interest and court fees, awarded to the victim’s wife and two children.
Published: 29 Oct 2026, 06:45 pm IST
മാതൃഭൂമി.കോം വാട്സാപ്പിലും
Follow
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
