Katengo kaNdu yaMilao hala Limbule zaSisimo kakaba ni musipili viki ye, kupotela libakanyana zamilafo mwasikiliti saKunene ni Erongo kunyakisisa mubelekelo ni butata bobatalimana nibona. Katengo kaitekezi kuikopanya ni balafi kwalibakanyana zamilafo, baeteleli basikiliti, babeleki bamubuso and limembala zasicaba kakuba kalulo yamusebezi obalumelelwa kimotomopuso wanaha.

Mungendenge ukakalela mwaOpuwo la 10 Muyana 2026 kakupotela mubisisi wasikiliti saKunene, kukalatelela mikopano ni makolo ashelashelana, bayemeli balilalanda ni balafi mwalibakanyana. Katengo hape kakapotela balafi basibaka saOhungumure ni balafi basibakanyana baOkarikua. La 11 Muyana, katengo kakapotela Mulafo waOroutumba, kampani yelafa yaTjirora, nikampani yelafa yaWahombombotu ni Ouuanomake. 

Kuzwafo bakaliba kwakampani yelafa yaJasper mwasialanda satakanyani saOnguta la 12 Muyana. Poto yasikiliti saErongo ikakala la13Muyana kakupotela mubusisi wasikilitisa Erongo Nathalia /Goagoses ni mikopano ni bayemeli basikiliti mwaSwakopmund. Katengo hape kakayo nyakisisa Musika waUiba-Oas Crystal mabapa ni Usakos ni sibakanyana samilafo sa Gobogobo mwaUis. 

Kanako yapoto, katengo kakanyakisisa mayemo amilafo yelafiwa kwalibakanyana nikunyakisisa butata bobatalimana nibona mwakufumana mubu, masheleñi, mañolo, ni misika. Kakaikambota hape ni bayemeli hala kutalima milao yezamaisa zamilafo pili kasikafa kale likelezo zakona kulika kukonkiseza kaluyo yebona zamilafo ibapala mwakuhulisa sifumu nikutahisa misebezi.