Ongudu yovashingi veembashikela oye li tateka olweendo leekilomota 164, okudja mOngwediva fiyo okoRuacana mexulilo shivike nelalakano loku andjakaneka ouyelele kombinga yonghalonawa yopamadilaadilo unene movalumenhu.
Oshiendo eshi osha li shi kwetelwe komesho ku Afro-Latin Namakalu nosha enda tashi andjakaneka efimano lokukonga omakwafo ngeenge omunhu a taalela omashongo oo enasha nomadiiladilo unene movalumenhu. “Elalakano lokushikumhungu eshi okuyandja ouyelele osho yo omukumo mootate, nonghalo ina oundjolowele momukalo womadeulo ngaashi tave shi ningi momukalo wokushinga eembashikela ngaho,” ta ti
Namakalu okwa ti oveu ya po noshiendo eshi, va tota po ongudu kepandja lomalungula, oko ovalumenhu vahapu vali va hala okutwa ovalumenhu vakwao omukumo va tameke oku kufa ombinga mokuninga omadeu momukalo wokushinga eembashikela shaashi nasho ohashi dulu oku kwafela ouluvi momikalo da yooloka neenghono.
“Oulumenhu, oulumenhu shili ashike ngeenge oupyakadi wopamadiiladilo owe ku ponhokele, oulumenhu utulika ndele toka konga ekwafo lomeendelelo shaashi oudjuu wopomadilaadilo otau dulu oku ku dula eenghono diva,” ta ti.
Namakalu okwa ti ovalumenhu nava tameke yo okutula moilonga oinima e i ina oundjolowele ngaashi omadeu a yooloka, oku mangulukila omunhu umwe ile vavali ngeenge vena omaupyakadi osho yo oku li kaleka kokule noinima e i tai va etele omaupyakadi. “Ovalumenhu natango tava kala va tula moilonga okulya oikulya ina oundjolowele osho yo oukolele,” ta ti.
–[email protected]
