Ngoloneya woshitukulwa shaShana Hofni Iipinge okwa yelifa kutya eeproyeka dokutunga oupale moshitukulwa ove di eta mo naadimwe odi li pokupwa.

Iipinge edi okwe di popya pefimbo ali ta yandje ouyelele unasha naasho a ninga po fiyo opapa okudja pefimbo a ulikwa a ninge ngoloneya waShana. 

“Eeproyeka dokutunga noku wapaleka oupale otwe  di nhunina Ondangwa, Eheke osho yo Onamutai,” ta ti. 

Okwa twikila kutya okapale komaudano keshe ota ka kosho ongushu yeemiliona N$10 opo ka kale keli pamufika ushi okulineekelwa. 

Eedula adishe odo eshi oupale va kala vehe po vo vamwe va kala veli monghalo yoku kala va longololwa ngaashi okapale kaNdangwa, Iipinge okwa ti ovakalimo vomoshitukulwa shaye ova kala alushe noku longifa okapale kaShakati nava kwao vopepi ava veli xwepo. 

Iipinge okwa yelifa kutya neudo ovakala vena ovanyasha ve li pyakidila mokukufa ombinga momaudano a yooloka, omo nokuli vamwe vaka kalela po oshitukulwa peendodo dopombada da yooloka. 

“Oshitukulwa osha dula okutuma ovatondoki va koya po 500 va ka kufa ombinga koitukulwa ya yooloka,” ta ti. 

Okwa ti natango ovakendabala yo oku tuma eefikola dili o 80 moshitukulwa odo nado da ka kalela po oshitukulwa meenhele da yooloka. 

Ovadani vamwe va yooloka ova kendabala oku kufa ombinga momaudano haa ufanwa 5 Youth Games oo ha kalele po oshilongo,” Ngoloneya ta ti. 

“Fyee natango tuna yo vamwe ava va hoololwa oku dilila mee programa da yooloka opo va dule oku ka kalela po oshilongo ko Germany,” Iipinge ta ti. 

–[email protected]