Abraham Mwanyekange

Ofikola yopaumwene yopedu yedina Panduleni moshikandjohoololo Ongenga moshitukulwa shaHangwena ota i li longekidile omaudano ayo okodula.

 Omaudano pofikola Panduleni Private otaa ka kala ko momafiku 3 Juli fiyo 5 Juli neudo. 

Omaudano otaa ningilwa pokapale komaudano kofikola pOmungwelume.

Omanga ofikola tai li longekidile omaudano, oya pewa omaano omatanga okatanga kokeemadi osho yo omatanga etanga lomokambaba Etitatu kOmunashipundi wokatanga komokambaba moshitukulwa shaHangwena Ndatipo Shomongula. 

Omatanga okwa yandjwa nelalakano opo a longifwe kovahongwa pefimbo lomaudano mu Juli. Omaudano otaa ka kufa oule womafiku atatu. Okwa kwatela mo eengudu dovadanauki veedula dopedu lela. Ovakufimbinga otava ka fiyafana po mokatanga kokeemadi kwaavo veli koshi yeedula 15, okatanga komokambaba, chess osho yo owela womanghete. 

Eeprimafikola adishe moshitukulwa oda teelelika dika kufe ombinga.

Pefimbo ta yandje omaano Shomongula okwa pula ovakalimo opo va yambidide omaudano. 

Ta ti ovanangeshefa movaleli nava yambidide oinyangadalwa yoshiwana.

 “Omaudano ohaa kaleke ovanyasha veli pyakidila nokuva honga omikalo. Atushe natu daneni onghandangala okuxumifa komesho omaunongo okaana Okanamibia,” Shomongula ta ti.

[email protected]