Ombelewa yaGerman moNamibia oya yandja eemiliona N$ 1.9, odo danuninwa okukwafa ounona osho yo ovo opo ta veya mefimbo loukulunhu.
Ombelewa oya yelifa kutya ekwafo eli ola yandjwa oku dilila koshi yehangano olo hali ufanwa Namibia Planned Parenthood Association (NAPPA), na oya nuninwa oitukulwahololo ngashi Omusati, Kunene no Kavango.
Omundohotola Thorsten Hutter oo eli omukalelopo gwaGermany moNamibia okwa ti oimalwai ei ota i ka kwafa oku yandja ehongo li nasha noiningwanima yopamilele.
“oshimaliwa eshi otashi ka kwafele mokuyandja omauyelele ongaashi omunhu opo teli toto okuya momilele lwotete, oku li keelela komikifi dayooloka mwakwatelwa oHIV/AIDS, eendongo nadi kwao dawedwapo hadiya mekwatafano lopomilele,” Hutter ta fatulula.
Okwa twikila yoo kutya natango otava ka yandja ehongo kovakainhu linasha nomaludalo noku amena oilyo yolutu, unene oyo hai etapo omaludalo komifiki dayooloka.
“Natango ohatu kayandja yoo ehongo linasha noukoshoki unene kokanona okakadona, omateelelo ina ataalelikwa ile omeedula dishona,”ta yelifa.
Hutter okwa ti ounona vahapu oha vakala oihakwanwa yoinima ei adja nokutumbula apa shaashi vahapu vomuvo ihava mono lela ehongo leli xwapo, omanga vamwe ihava kala lela vamangulukila omitumba doludi eli. Natango opena yoo vamwe hava kala vedi hala ndele kadina apa tadidi.
“Namibia oshilongo shimwe shina omwaalu wovanhu vashona ashike osho shotete noshili pombada koilonga ihapu ngeenge tashiya pomateelelo aningwa meedula dishona,” ta ti.
Okwa ti oihakwana unene ohai kala yadja keenhele dokomimandi, noke xulilo lefiku vahapu ohava finanekwa vaefepo ofikola.
Hutter okwa ti opoloyeka ei otai kahonga oihakanwa yoovene kondadalunde, yoo tai kadeula ovanafikola, oshoyo ovahongi ovo leli vomomikunda. Natango otava kaenda yoo neekilinika opo vadule oku oku ongalifa ovo vena omaulema ponhele imwe vadule navo oku kala vanyikako kehongo.
Hutter okwa ti opoloyeka otai kayandja yoo oikwa noipangifo kovanyasha, oshoyo eekilinika odo dili momumbwe, nopeefikola opo ovahongi vakala hava yandje omakwafo kovanafikola nawa, pehena omaimbo asha.
– [email protected]
