Ka letsatsi lena 30 Phato 2014, sesole sa Lesotho se ile sa hlasela sepolesa sa Lesotho moo ho ileng hoa bolaoa lepolesa le le leng.
Lepolesa lena Mokheseng Ramahloko (ea apareng bofubelu a nkile lipalesa fotong) o tlalehoa a ne a tsekisoa “ho hana ho bula polokelo ea libetsa ea sepolesa (armoury)”. Eaba sesole sea ‘molaea.
Ho feta mona eo e neng ele tonakholo ka nako eo, Motsoahae Thomas Thabane, mohatsa hae ‘Maesiah Thabane, ‘moho le Thesele ‘Maseribane le Keketso Rants’o (ea reng eena o ne a bile a tenne night dress) bao e neng ele matona, ba ne ba ts’ole tlhako morong ba tsoa kahara naha ka lereng “masole a lihile ‘muso”.
Ho feta mona liealemoea kaofela tsa khaoloa moeeng.
Sesosa eka ka la maobane, Thabane o ne a hlabise Tlali Kamoli (ea apereng selampa fotong) ka monkhoane ka la maobane eleng la 29 Phato 2014, empa eo a itulela ka manganga. Khang ea hae eaba hore Thabane ha a “sa na lipalo”. Thabane o ne a batla ho beha Maaparankoe Mahao ele eena molaoli oa sesole.
The post Ba leka “ho liha ‘muso” appeared first on Lesotho Tribune.
